இரவு நேர பயணம்
பலாக்கயாய் மனம்
இனிப்பின்றி
ஆங்காங்கே மனித கூட்டம்
சந்தடி தெருவின் சாக்கடைகள்
சாஷ்டங்கமாய் விழமுடியா
நெருக்கல் கோவில்கள்
அலட்சியமாய்
பார்க்கும்
ஆறேழு மாடி கட்டிடங்கள்
வனங்களேயில்லா
வழித் தடங்கள்
பெற்ற குழந்தைக்காய்
இன்சியல் தேடும் அன்னைகள்
அரவணைக்க அன்னை
தேடும் சிறார்கள்
வாக்காளர் தேடும்
தந்திர அரசியல்வாதிகள்
காக்கைகள் தேடும்
தலைவர்கள்
நிழல் தேடும்
நிஜங்கள்
இதுவா
தேடல்கள்
மானிட தேடல்களோ
மலிவுற
மரண ஒலங்களோ
இங்கே பொலிவுற
இன்னும் பயணிக்கிறேன்
இதைக் காண இயலாத நாள் வரை
No comments:
Post a Comment